Heuer mal pünktlich in die Gartensaison
Gmoa Trummler
I kann mi ned erinnern, wann das letzte Mal ollas so früh zu blühen begonnen hat: da Mandelbaum im Goatn, die Marün von den Nochban, die Bama im Park.
Der Gmoa Trummler.
© BVZ
Und heit wü die Gmoa Trummlarin scho in Woid gehn Bärlauch klaum. Mir is eh recht, i mog eam gern und mit mei'm Mundgeruch muss sie leben. Owa komisch is des scho Anfang März.
Bissl Angst hob i um die Marünbauern und a um meine scheenen Oleander: Wos is, wenn i's jetz ausse stö' und dann kummt da Winter do no amoi? Und wenn die Marün scho wieder ogfrier'n? Dann hamma den Scheam auf.
Apropos früh dran: I bin ja sonst jedes Jahr z'spät dran mit'm Aussetzen. „Ui!“, ruft dann die Gmoa Trummlerin wenn's scho boid Mai wird, „jetz is des Hochbeet no imma nockat.“ Heuer ned! Da bin i amoi in mei'm Leben lieber z'früh dran ois z'spät. Dann bin i zumindest ned selbst schuld, wenns Gmias nix wird, lacht sich der Gmoa Trummler eins.