Wenn's zu Silvester kracht: einfach nur unnedig!

Owa wieso tua ma eigentlich so, als warat a Schweizerkrocha gleich deppad wie a Sprühfontäne oder a scheene bunte Raketen oder a Goldregen. Oder, wenn mas scho afoch haben wü: Ned ois, was a Feuerwerk is, krocht. Und nur wos krocht is bled - find i, und vor allem a mei Hund. Den schepperts zu Silvester immer wie den vom Sigi Maron („Mei Hund is a Epileptiker“), wö irgendwelche Gfrasta im Hof mit de Schweizer herumtuan. Afoch nur unnedig.

Is natürlich auch ned das einzige Argument gegen die Schießerei zu Silvester. Jedes Jahr Schwerverletzte und für's Klima is sicher ned guad. Owa da Sekt zum Anstoßen is a ned xund für mi und des Käsefondue scho goa ned. Und samma si ehrlich: Auf jeden Spaß verzichten, nur weils ned gscheid is, is dann do a bissl humorbefreit, plädiert der Gmoa Trummler für die Gönnung.