Ehrgeiz ohne Akku
Gmoa Trummler
Der Gmoa Trummler is a Wunder, der is nämlich trotz mittelmäßig gesunder Ernährung und Hedonismus statt Askese a relativ fitter Bursch für sei Alter. Ma trifft mi ned nur mit Tschick im Mund, wia bei meinem Autoren-Büdl – sondern genauso oft a am Radl.
Der Gmoa Trummler.
© BVZ
Für an Flachländer hab i a ganz ahnsehnliche Wadl. Die trainier ich gern am Ruster Hügel, als jüngerer Bursch a no im Leithagebirge. A gewissa Ehrgeiz ist also da. Und, ma liest's vielleicht zwischen den Zeilen, a a bissl a Stolz.
Und grod der is immer schwer gekränkt, wenn ich mich ostrampl am Berg(erl) und neben mir flitzt a Tourist mit zweimal in die Pedale treten fröhlich winkend an mir vorbei. "Schummler", tät i dann gern nachschreien.
Owa dann fallt ma ein: I wü jo zufrieden sein mit dem, was I mach, und ned neidisch auf des, was andere machen. Dann schnauf i durch und radel weiter... und gfrei mi, dass i zumindest im Radldress bissl weniger bochn ausschau, gibt der Gmoa Trummler stolz zu.
